telebista
Umorea ETBn
'El humor de Iker Galartza' gaur gauean ETB2n
Erredakzioa
'Euskadi Movie' saioaren ondoren, Iker Galartza aktorearen azken aldiko esketx onenen bilduma bat eskainiko du Euskal Telebistak.
-
Iker Galartza
Gaur gauean, 'Euskadi Movie' umorezko saioaren ondoren, Iker Galartza aktore gipuzkoarraren azken urteetako esketx onenen bilduma eskainiko du Euskal Telebistak. 'El humor de Iker Galartza' saioa 23:25 aldera hasiko da, eta ETB2n eta eitb.com-en egongo da ikusgai.
Iker Galartza aktore gipuzkoarrak urteak daramatza ETB1eko zein ETB2ko umore saioetan parte hartzen. 'Goenkale'n hasi zuen etxe honetako ibilbidea, baina, ondoren, 'Vaya Semanita', 'Ya queda menos' eta 'Euskadi Movie' saioetan ikusi dugu ETB2n, eta 'Irrikitown' eta 'Kontrako Eztarria' saioetan ETB1en. Saio berezi honetan, azken urteetan ETB2rako egindako esketx onenak ikusteko aukera izango da.
