telebista
Emanaldi berezia
Tolosako inauterien berri, EiTBn
A.H.
EITB
ETB eta eitb.com Tolosako inauterietan izango da beste behin ere. Gaur, zezenketaren berri emango dute 22:00etatik aurrera.
EiTB taldeak Tolosako inauteriei arreta berezia eskainiko die aurten ere. Atzo, igandea, inauterietako ekitaldi nagusia eskaini zuten ETBK Sat kateak eta eitb.com-ek. Euskal Telebistako kamerek herri honetako kaleak zeharkatu zituen karrozen desfilea zuzenean jarraitu dzuten gertu-gertutik, Julen Telleria eta Xabier Sukia kazetariek gidatutako saio berezian. Tolosako San Frantzizko kaletik zuzenean eskaini zuten emanaldia, eta Gaztea irratiko 'dida' saioko kideekin zuzeneko hainbat konexio egin zituzten. Izan ere, goizeko irratsaioaren lantalde osoa Tolosan bertan izan zen saio berezi bat egiten.
Gaur, Tolosako zezenak
Gaur, gainera, Tolosako zezen-plazan izango den giroaren berri emango dute ETBKn, 22:00etatik aurrera. Iñigo Asensio izango da zezenketaren esataria, eta berarekin, Jokin Rodriguez errekortari eta zezenketetan aditua izango da. Elkarrizketak, berriz, Maite Eskarmendik egingo ditu, zezen plazan bertan.
