telebista
Kirol emanaldiak
Barakaldo-Atheltic B, gaur, zuzenean, ETB1en eta eitb.com-en
A.H.
EITB
Bilbao Basket eta B.R. Vallaolid taldeen arteko norgehiagoka eskainiko da zuzenean, eta horrez gain, Iruñean jokatuko den binakako pilota txapelketaren finalerdiko partida, gauean.
Gaur Barakaldo eta Athletic B taldeen arteko Bigarren B mailako futbol partida eskainiko du zuzenean ETB1eko 'Zilarrezko Futbola' saioak (eitb.com-en ere bai). Euskal Telebistako kamerek arratsaldeko 17:00etan bat egingo dute Barakaldoko zelaiarekin eta zuzeneko emanaldiaren kontakizuna Xabier Andueza kazetariak eta Juanan Larrañaga adituak egingo dute. Joseba Urkiola zelaian izango da bertako giroaren lekuko, eta protagonistei elkarrizketa egingo die.
Saskibaloiaren txanda izango da ondoren. Bilbao Arena pabilioian jokatuko dute Bilbao Basket eta B.R. Valladolid taldeek arratsaldeko 19:15etik aurrera. Xabier de la Fuentek, Josean Aldalurrek eta Juan de la Vegak egingo dute Endesa Ligako partidaren gaineko kontakizuna ETB1 eta eitb.com-en.
Amaitzeko, arratsaldean Iruñean jokatuko den binakako pilota txapelketako norgehiagoka eskainiko du ETB1ek gaueko 22:40ean. Irujo- Barriola eta Urrutikoetxea-Beroiz bikoteek jokatuko dute finalaurreko partida, eta Juanan Legorburuk eta Iñigo Aiestaranek egingo dute kontakizuna.
Bestalde, futbol jardunaldiaren errepasoa egingo du Jon Elortzak 'Gol Festa' saioan 21:00etatik aurrera. Realak Anoetan Real Madrilen aurka jokatuko duen norgehiagokaren laburpen zabala eta elkarrizketak bilduko dituzte bertan.
