telebista
Gaur
Enrique Maya Iruñeko alkateari elkarrizketa, 'ETB Hoy'n
A.A.
EiTB
'Entrada Libre' saioan harrera familiei buruz mintzatuko dira.
Enrique Maya Iruñeko alkatea elkarrizketatuko du Olaia Urtiagak 'ETB hoy' saioan, gaur goizean. Hiriaz eta oro har Nafarroan bizi den giro politikoaz galdetuko dio 11:45etik aurrera ETB2n ikusgai izango den albistegian.
Bestalde, ETB1eko 'Egun On Euskadi' saioan, goizeko 8etan, Estepan Aldamiz-Etxebarriak aktualitatearen inguruko gogoeta egingo du Josu Alvarez, Tasio Erkizia, Iñaki Zarraoa eta Antton Karrera solaskideen laguntzaz.
Harrera familiei buruz, 'Entrada Libre'n
Vanessa Sanchezek gidatzen duen 'Entrada Libre' saioan harrera familiei buruz mintzatuko dira. Gaur egun zein behar dauden, familiek zein baldintza bete behar dituzten eta gaiaren inguruko beste hainbat kontu jorratuko ditu Oskar Soto beasaindarraren esperientzia ezagutuz.
