telebista
Conquis 10
Rebekak abentura utzi du eta Enekok 'Elurrezko Sumendia' jokoa irabazi
Saioko azken txanpa zorrotzari aurre egiteko balditza egokietan ez dagoenez, abentura uztea erabaki zuen Rebekak Inmunitatearen jokoa hasi aurretik, Enekok irabaziko zuen froga, alegia.
Asteburu honetako programa oso garrantzitsua da, eta apurka-apurka 'El Conquistador del Fin del Mundo' saioko final handirako panorama itxura hartzen doa.
Enekok rodeoaren jokoan Rebekari 'oparitu' zion behitxoa orain arte abenturan bere etsaiek lortu ez dutena lortzear da: bizkaitar polita etxera bidaltzea, hain zuzen ere. Oinak ez du hobera egin eta programako azken txanpa zorrotz honi aurre egiteko baldintza egokietan ez dagoenez, abentura uztea erabaki zuen Rebekak.
Patagoniako fase bateratu honetan ohikoa denez, lehiakideek programako Immunitate Joko klasikoetako bat dute aurretik: Elurrezko sumendia. Piramide itxura duen elurrezko sumendiaren hegal batean pala batekin zuloa egin behar izan zuten. Barruan zegoen pasabidera heldu, bertatik igo, eta berriz kanpoaldera ateratzea lortu behar izan zuten. Benetan emozio handiko jokoa izan zen. Hainbat orduz zulatzen egon ondoren, Eneko eta neskak batera sartu ziren sumendiaren kraterrean. Behin barruan, sokatik igoteko txanda lortzea izan zen borroka. Lehenengo Enekok huts egin zuen; ondoren, Irenek eta, azkenik, Sanek. Baina, jakareak ez zuen hutsik egin bigarren aukeran.
Diana eta Sarai, Purgatoriotik 'El Conquis' eztabaida-saiora
Diana, Sarai eta asteburu honetako azken kanporatua izango dira protagonistak igandean debatean, Patxi Alonsok aurkeztutako saioan. Reality honetan bizi izandako une garrantzitsuenak errepasatzeaz gain, Purgatorioa utzi zuten unea nolakoa izan zen kontatuko digute lehiakide gipuzkoar biek.
Gainera, programako azken fase hau aztertu, ondorengo saioetako aurrerapenak ikusi eta Sarairen eta Dianaren abenturako unerik onenak ikusiko ditugu. Juanito Oiarzabal, David Seco, Gotzon Mantuliz, Isa Landa, Amaia Puertas eta Txispy eztabaida-saioko ohiko analista trebeak ere izango dira Miramongo estudioetan.
Azkenik, ikusleen lehiakide gogokoenaren aukeraketan zeintzuk kanporatu dituzten ere jakingo dugu. EiTBk webgunean egindako aukeraketari esker, orain arte, sei lehiakide geratu dira kanpoan: Patxi, Esti, Irantzu, Pily, Michel eta Barbaro.
Ez galdu 'El Conquistador del Fin del Mundo' abentura saioa eta "El Conquis" debatea, igandean, gaueko "Eguraldia" saioaren ostean, ETB2n.
