telebista
Gaur
Ezker Anitza koalizioko hautagaiak, 'Egun On Euskadi'n eta 'ETB Hoy'n
A.H.
EITB
Leire Martinez eta Iñigo Martinez hautagaiak elkarrizketatuko dituzte ETB1en eta ETB2n.
Gaur, Ezker Anitza koalizioko hautagaiak elkarrizketatuko dituzte 'Egun On Euskadi'n eta 'ETB Hoy'n. ETB1en, Estepan Aldamiz-Etxebarriak Leire Martinez elkarrizketatuko du, eta ordezkatzen duen koalizioren programa politikoaz galdetuko dio. Horrez gain, Josu Alvarez, Tasio Erkizia, Iñaki Zarraoa eta Antton Karrera solaskideak egun-eguneko gaien inguruan arituko dira goizeko 08:00etatik aurrera.
ETB2n, Olaia Urtiagak Iñigo Martinez elkarrizketatuko du goizeko 11:45etik aurrera, eta Ezker Anitzaren proposamen eta ekimen ezberdinez galdetuko dio. Ondoren, Silvia Intxaurrondok gidatutako saioan eguneko albiste nabarmenenak aztertuko dituzte.
Karra Elejalde, 'Entrada Libre'n
Vanessa Sanchezek, bere aldetik, Karra Elejalde aktorea elkarrizketatuko du 'Entrada Libre' saioan. 8 apellidos vascos filmaren arrakastaz eta aktorearen ibilbideaz arituko dira, besteak beste.
