Real Madril-Unicaja eta Mirandako pilota Jaialdia, zuzenean

Saskibaloia eta pilota zuzenean eskainiko dituzte ETB1ek eta eitb.com-ek gaur. 20:15ean hasiko da Real Madril eta Unicaja Malaga taldeen arteko norgehiagoka. Endesa Ligako playoffetako finalerdiko lehen partida honetan gertatzen denaren berri Xabier de la Fuentek eta Josean Aldalurrek emango dute.

Ondoren, 'ETB Kantxa' saioa hasiko da Mirandako pilotalekutik. Eskuz binakako bi partida jokatuko dira bertan: Olaetxea-Larunbe / Lemuno-Iza eta Ezkurdia-Untoria / Victor-Merino II. Xabier Euzkitze eta Joxan Tolosa izango dira esatariak.