telebista
Gaur
Ibai Zabala-Rezusta promozio txapelketako finala, zuzenean
A.A.
EiTB
ETBren kirol eskaintza Suitzako Itzuliko 2. etapak, eta Levante-Athletic Erregina Kopako finalerdiak osatuko dute, besteak beste.
Euskal Telebistaren eta eitb.com-en gaurko kirol eskaintzaren barruan, arratsaldeko pilota emankizuna nabarmenduko dugu. Tolosako Beotibarren Promozio Txapelketako finala jokatuko dute Ibai Zabalak eta Rezustak. Jaialdia 17:00etan hasiko da, Olaizola II-Beroiz / Xala-Zubieta binakako partidarekin. Kontakizuna, ohi denez, Xabier Euzkitzek, Joxan Tolosak eta Elena Azpeitiak egingo dute.
Pilotaren aurretik, Suitzako Itzuliko 2. etapa izango da ikusgai: Bellinzona-Sarnen, 180 kilometrokoa, Fermin Aramendiren eta Xabier Usabiagaren eskutik.
12:00etan, Levantek eta Athleticek jokatuko duten Erreginako Kopako finalerdia zuzenean jarraitu ahal izango da baita ere ETB1en eta eitb.com-en, Ander Txintxurretaren kontakizunarekin.
Bestalde, ETBKn, 12:00etan, bezperan Mallabian ospatutako Bizkaiko Emakume Pilotarien Egunaren berri emango du Iñigo Aiestaranek, Iñigo Gallaga lagun duela. Iñigo Aiestaranen ardurapean egongo da baita ere 20:00etan zesta emankizuna: Bilboko sariko finala eskainiko da, Egiguren II-Lignau / Moresmau-I. Erkiaga.
Amaitzeko, Ondarroan jokatutako estropadaren laburpena egingo du Juanan Legorburuk 21:00etatik aurrera.
