telebista
22:15ean
'Cabalga con el diablo' filma, gaur, ETB2n
I.Z
EITB
Pelikula honen zuzenadaria Ang Lee da, Tigre y dragón, Hulk, Brokeback Mountain edota La vida de Pi bezalako filmeengatik ezaguna.
Gaur Cabalga con el diablo filma emitituko da ETB2n 22:15etatik aurrera. Ang Lee zine zuzendariaren filma da, Amerikako Sezesio gerraren inguruko drama eta akziozko filma da.
1861ean Sezesio gerra hasiko da eta iparraldea eta hegoaldea beraien artean borrokan hasiko dira. Zelaietan zehar borrokan ari diren bitartean, atzeguardian hegoaldearen garaipenaren aldeko gerlari batzuk gerrilla borrokan sartzen dira. Jake Roedel (Tobey Maguire) eta Jack Bull Chiles (Skeet Ulrich), Missourin jaiotako lagun minak, Bushhackers izeneko gerrilletara batzen dira eta zaldi gainean ibiltzen eta pistola erabiltzen trebak bilakatzen dira.
Bi bandoen artean gertatzen diren krudelkeriez ohartzen joango dira bi gazteak eta izaeran aldaketak jasango dituzte. Jack gerrilletan mantenduko den bitartean, Jake baztertzen joango da eta esklabu beltz baten lagun egingo da, Holt izenekoa. Sue Lee (Jewel Kilcher) izeneko emakumea ezagutuko du, alarguna den emakume gazte bat, eta maitasun istorio bat hasiko da bien artean.
Ez galdu western eta dramazko filma hau!
