Global Funk-eko DJak, gaur gaueko 'EiTB Kultura-Transit' saioan

Global Funk, DJ Makalak duela sei urte sortutako kolektiboa da eta musika beltza (funk, jazz, soul, latin...) maite duten DJek osatzen dute. Global Funk Parties izenarekin, Euskadiko gauak girotzen dituzte Let's dance in Baskenland lelopean. 'EiTB Kultura-Transit'ek euren lana eta musika ezagutuko ditu.

Saioak, gainera, uda honetako ikuskizun eta jaialdiak errepasatuko ditu: besteak beste, Getxo Jazz eta Big Festival. Azken honetan, Stromae artista belgikarrak hartuko du parte. Berari buruz mintzatuko zaigu Asier Leoz Euskadi Irratiko kazetaria.

Azkeneko zine estreinaldiek eta beste proposamen eszeniko eta artistikok osatuko dute 'EiTB Kultura-Transit' saioa, gaur gauean, ETB1en eta ETB2n.