telebista
Kirolak
Palako Bizkaiko herriarteko finalak, ETBKn, gaur
A.A.
EiTB
ETB1en, pilota eta gimnasia erritmikoa izango dira ikusgai arratsaldean.
Gaur eguerdian, palako Bizkaiko herriarteko finalak eskainiko ditu ETBK kateak. Bezperan Sestaon jokatutako partiden ingurukoak Iñigo Aiestaranek ekarriko dizkigu Iñigo Gallaga lagun duela.
Bestalde, arratsaldean, pilota eta gimnasia erritmikoa izango dira ikusgai ETB1en. 15:30ean, 'Gure Bideoteka' tartea zabalduko dute, aurtengo Buruz Buruko Txapelketako finalean izango diren bi pilotarien partida bana emateko: lehendabizi, Irujoren eta Xalaren arteko 2004ko finala eskainiko da; ondoren, Julen Retegik Aimar Olaizolak aurtengo lehiaketan, final laurdenetan, jokatutako neurketa.
Ondoren, azken Euskalgym jaialdiaz gozatzeko parada izango dute ikus-entzuleek, munduko gimnastarik onenekin. Besteak beste, Yana Kudyavtseva eta Margarita Mamun Errusiako izar handiak, Alina Maksymenko ukrainiarra eta Melitina Staniouta bulgariara. Etorkizun handiko gimnasta gazteen artean, Silvya Miteva, Viktoria Mazur, Katsiaryna Halkina eta Lala Yusifova. Eta etxeko taldeak ere bai: Sakoneta, Donostia, Izar Leku, Beti Ritmica eta Ipurua.
