telebista
Gaurtik aurrera
'Sin Ir Más Lejos. Este Verano' saioa ETB2n, Xabier Mendiak aurkeztuta
A.A.
EiTB
Udako jaien eta ekitaldien berri emango dute saioan, astelehenetik ostiralera, 14:30etik aurrera.
'Sin Ir Más Lejos. Este Verano' izeneko saioa abiatuko da gaur ETB2 katean. Xabier Mendiak aurkeztuta, udako jaien eta ekitaldi nagusien berri emango dute bertan. Ordu erdiko saioa izango da, eta astelehenetik ostiralera izango da ikusgai, 14:30etik aurrera, ‘Teleberri’ albistegiaren aurretik, alegia.
Hasteko, 'SIML. Este Verano' saioaren lehen atalean Irungo San Martzial jaiak izango dituzte hizpide eta, ondoren, asteartean, Portugaleten izango dira Gidako Ama Birjinaren omenezko jaiak ospatuko baitira han. Asteazkenean, ostera, Santa Isabel Zumarragako jaien egun handiaren berri emango dute. Iruñeko Sanferminetan, Gasteizko Ama Zuriaren jaietan eta Donostiako zein Bilboko Aste Nagusietan ere izango dira, noski.
Udalerri horietako eta beste batzuetako jai-giroa zuzenean erakutsiko digute saioan, Xabier Mendiak gidatuta. Halaber, elkarrizketak ere eskainiko dituzte eta baita jaien, gastronomia lokalaren eta inguruko eskaintza turistikoaren berri emateko erreportajeak ere.
