Athletic B-Tudelano eta Alaves-Lugo, zuzenean, ETB1en eta eitb.eus-en

Bigarren Mailako bi futbol partidek osatuko dute gaur arratsaldeko kirol eskaintza ETB1en: Athletic B-Tudelano eta Alaves-Lugo. Jon Elortzak gidatzen duen 'Zilarrezko Futbola' saioaren barruan eskainiko dira, 15:30etik aurrera.

Xabier Andueza izango dugu esatari Lezamatik, eta Naxari Altuna eta Iban Bengoetxea Gasteiztik. Juanan Larrañagak egingo ditu komentario teknikoak bi emanaldietan.

Biak ala biak, internet bidez ere, zuzenean ikusgai izango dira eitb.eus atarian.

Bestalde, Lehen Mailako jardunaldiaren errepasoa egiteko bi 'Gol Festa' saio izango dira larunbatean, 20:55ean eta 23:50ean. Jon Elortzak gidatutako saioak arreta berezia eskainiko die Athletic-Celta eta Barça-Eibar partidei.