Getxoko seme kutunaren itzulera, gaur gauean, 'Conquistour' saioan

Hurrengo saioan, Eneko Van Horenbeke 'El Conquistador del Fin del Mundo' saioko "kexatia" abentura-lehiaketa bitan merezita irabazi duela erakustera itzuliko da etxera.

Sandrak, ordea, Getxoko seme kutunaren itzulera ilundu nahiko du, eta Erriberriko bikiek aurreko astean izan zuten zorte on bera izatearekin amestuko du. Perito Morenoko glaziarraren final handian, Irene eta Sandra garaitu zituen Enekok azken proba gogorrean, eta 'El Conquistador del Fin del Mundo' saioaren hamargarren edizioko garaipena lortu zuen. Harrezkero, Sandrak mendeku-gosearekin jarraitzen du, eta, beharbada, errebantxa hartzeko ordua iritsiko zaio.

Koatiek Enekori bere herrian prestatu dioten segadari aurre egin ahal izateko, David Seco, Nakor Markez, Egoitz Rios eta Manu Maritxalar jakareen laguntza izango du Getxoko arraunlariak.

Bestalde, Sandrak lehiakide gogorrez osatu du taldea. Alboan ezin du falta Arkaitz Sainz de Murieta, 'Txurri' ospetsua, eta, horrekin batera, Alex Ugalde borroka-arteak egiten dituen suhiltzailea, Irkus Sainz de Murieta garbiketa-laguntzailea, Iker Uriarte taldeko nagusia eta 'Txejo' Barroso daude koatien taldean.

Indarberrituta iritsiko al dira jakareak Getxora, iragan astean, Erriberrin, David Secorekin gertatu zenaren ondoren? Presioa bikoitza da oraingoan: aurreko saioan galdu zuten ohorea berreskuratzea eta etxean Enekoren izen onari eustea izango dute helburu.

Gaur gauean ikusiko dugu, 'Conquistour' saioan, 22:15etik aurrera, ETB2n.