telebista
Elkarrizketak
Maria Chivite PSNko senataria, gaur, 'ETB Hoy' saioan
A.H.
EITB
Maite Alonso Euskal Eskola Kontseiluko zuzendaria izango da 'Egun On Euskadi'ko gonbidatua.
-
Maria Chivite. Argazkia: EiTB
Gaur goizean, Olaia Urtiagak Maria Chivite PSNko senatari eta Nafarroako Presidentetzarako sozillisten hautagaia elkarrizketatuko du 'ETB Hoy' albistegian. Datorren urteko foru hauteskundeen atarian, Nafarroan bizi den giro politikoa eta alderdi barruko gorabeherak izango dituzte hizpide. Madrilgo Senatuan talde sozialistaren bozeramaile gisa egiten duen lanaz ere galdetuko dio. Elkarrizketaren ondoren, Silvia Intxaurrondok aurkezten duen solasaldi eta analisirako tartea izango da ikusgai Miramondik zuzenean.
ETB1eko 'Egun On Euskadi' saioan, Estepan Aldamiz-Etxebarriak Maite Alonso Euskal Eskola Kontseiluko zuzendaria elkarrizketatuko du, eta, horrez gain, Elena Martinez de Madina, Iñaki Galdos eta Iker Bizkarguenaga kolaboratzaileak egun-eguneko gaien inguruan arituko dira solasean.
