telebista
ETB2n
'Linterna verde' filma, gaurko 'La Noche de...' saioan
A.H.
EITB
Gainera, saioak Jeff Bridgesen ibilbide profesionala eta pertsonala errepasatuko du, 65. urte beteko baititu.
Gaur, 'La Noche de...' saioak Linterna verde filma estreinatuko du telebistan, DC Comics argitaletxe ospetsuaren komikietako super-heroi ezagunaren istorioa. Ryan Reynolds aktoreak egingo du protagonistaren papera, eta Tim Robbins eta Angela Bassett arituko dira harekin akzioz beteriko pelikula honetan.
Horrez gain, Jeff Bridges aktore ezagunaren 65. urtebetetzea dela eta, 'La Noche de...' saioak horren ibilbide profesionala eta pertsonala errepasatuko ditu El gran Bridges atalean.
Euskaren egunaren bezperan, 'La Noche de...'k Hollywoodeko izarrek zer-nolako euskara kaskarra hitz egiten duten azalduko du Los vascos conquistan Hollywood atalean.
Amaitzeko, euskara bezain zaharra den beste gai bat ere azalduko du saioak: Egiptoko piramideak. Eraikin oso misteriotsuak dira, eta oraindik ere hainbat sekretu gordetzen dituzte euren baitan. Gainera, asteburu honetan zinema-aretoetan ikusi ahal izango ditugu berriro, eta, hori dela eta, piramideen sekretuak agerian utziko dituen erreportajea eskaini du saioak La historia según Hollywood atalean.
'La Noche de... Linterna verde' gaur gauean izango da ikusgai, 22:30etik aurrera, ETB2n.
