telebista
Gaur
Olaizola II-Ibai Zabala vs Artola-Albisu, ETB1en eta eitb.eus-en
A.A
EiTB
Bilbao Basket-Valentzia Basket Endesa Ligako partida eta Donostiako Nazioarteko Krosa ere zuzenean eskainiko dira.
-
Pilota partidua
Gaurko pilota emankizunaren barruan, Binakako Txapelketako Olaizola II-Ibai Zabala vs Artola-Albisu izango da ikusgai ETB1en eta eitb.eus-en. Zumarragako Beloki pilotalekuko jaialdia, arratsaldeko bostetan hasiko da Apezetxea-Cecilio vs Aritz Lasa-Merino I neurketarekin. Ohi denez, Xabier Euzkitzek, Joxan Tolosak eta Elena Azpeitiak egingo dute kontakizuna.
Eguerdiko 12:00etan, Endesa Ligako Bilbao Basket-Valentzia Basket partida eskainiko dute ETB1ek eta eitb.eus-ek. Xabier de la Fuente, Josean Aldalur eta Juan de la Vega izango dira berriemaile.
Bestalde, 12:30etik aurrera, Donostiako Nazioarteko Krosa jarraitzeko aukera izango da ETB4n eta eitb.eus-en. Juanan Legorburu eta Xabier Leibar arituko dira esatari lanetan.
Azkenik, bezperan Hernaniko Galarretan Utergak eta Endikak jokatutako Erremonteko Master Torneoko finalaren berri emango du Iñigo Aiestaranek, ETB4n, 19:30etik aurrera. Manuel Arrizabalaga Matxin aditua izango du lagun.
