telebista
Gaurko kirol eskaintza
Euskal Herriko Itzuliko 4. etapa, zuzenean, ETB1en eta eitb.eus-en
A.A.
EiTB
Euroligako Unicaja-Laboral Kutxa eta Federazioaren Kopako Castello-Real Union neurketak ere izango dira ikusgai EiTBn.
Kirol eskaintza betea dakar Euskal Telebistak gaur. Txirrindularitzarekin ekingo diote, arratsaldeko hiruretan. Zumarraga eta Arrate artean jokatuko den Euskal Herriko Itzuliko 4. etaparen berri emango dute, zuzenean, Fermin Aramendik, Xabier Usabiagak eta Alfontso Arroiok ETB1en eta eitb.eus-en.
20:45ean, saskibaloiaren leihoa zabalduko dute, Euroligako Top 16ko 14. jardunaldiari dagokion Unicaja-Laboral Kutxa partida eskaintzeko. Emanaldi hau ere ETB1en eta eitb.eus-en ikusi ahalko da, Asier Arangurenen eta Josean Aldalurren kontakizunarekin.
22:30ean, futbol ligari tartetxo bat egingo diote ETB1en; Athleticek Valentziaren aurka San Mamesen 20:00etan jokatuko duen neurketaren laburpena egingo du Jorge Cerratok.
Azkenik, Federazioaren Kopako finaleko joaneko partida izango da ikusgai ETB4n 20:30ean: Castello-Real Union. Naxari Altuna arituko da esatari lanetan, Juanan Larrañaga lagun duela.
