telebista
22:30ean, ETB2n
'El doble del diablo' filma, gaur gauean, 'La Noche de...'n
EITB
Saioak, gainera, Ed Harris aktorearen zazpi sekretu emango ditu jakitera, eta Abraham Lincolnen heriotza gogoratuko du, Ameriketako Estatu Batuetako presidentea hil zutela 150 urte bete direnean.
'La Noche de...' saioak El Doble del Diablo filma eskainiko du gaur gauean. Uday Hussein, Sadam Hussein Irakeko diktadorearen seme nagusia, ekitaldi publikoetan bikoizten zuen gizonaren biografian oinarritutako pelikula da. Saioak aktore zerrendaren gaineko datu guztiak emango ditu, eta Dominic Cooper aktore nagusiaren lan bikaina azpimarratuko du. Horrez gain, filmak oinarritzat hartzen dituen benetako gertakariak azalduko ditu.
Bestalde, Ed Harris aktore ezagunaren zazpi sekretu emango ditu jakitera Felix Linaresek. Izan ere, asteburu honetan film berria estreinatuko duen aktorea ikus-entzule askoren gustukoena da. Aktoreak hainbat gertakari interesgarri gordetzen ditu bere biografian, besteak beste, maitale oso berezi bat izan zuela edo itota hiltzeko zorian egon zela. Programak sekretu horien guztien berri emango du Los 7 secretos de Ed Harris atalean.
'La Noche de...', gainera, gurasoak gorrotatzen dituzten aktore ospetsuen inguruan arituko da También son humanos atalean.
Amaitzeko, Abraham Lincolnen heriotzaren 150 urteurrena dela eta, Ameriketako Estatu Batuetako presidentea hil zuen atentatuaren datuak emango ditu Felix Linaresek CSI: Hollywood atalean.
'La Noche de... El doble del diablo' gaur izango da ikusgai, 22:30etik aurrera, ETB2n.
