telebista
Gaur gauean
Xala-Rezusta, zuzenean, ETB1en eta eitb.eus-en
A.A.
EiTB
Bergarako pilota jaialdia beste bi partidekin osatuko da: Tolosa-Irribarria eta Merino I-Jaka.
Gaurko pilota emankizuna Bergaratik egingo du Euskal Telebistak, 22:00etan hasita, eta ohi denez, internet bidez ere zuzenean jarraitu ahal izango da. Bertan, Buruz Buruko Txapelketako hiru partida jokatuko dira: lehen mailako Xala-Rezusta eta promozioko Tolosa-Irribarria eta Merino I-Jaka. Xabier Euzkitzek, Joxan Tolosak eta Ibon Gaztañazpik egingo dute kontakizuna.
Tolosa eta Irribarriaren arteko norgehiagokak zabalduko du jaialdia. Ondoren, Eibarrek Espanyolen aurka jokatuko duen Ligako partidaren laburpena egingo du Iban Bengoetxeak.
Futbolak bigarren partidari emango dio paso, txapelketa nagusiko Xala-Rezustari, eta jarraian, 'Boxeo Izarrak' saioa izango da ikusgai. Bertan, Floyd Mayweatherrek eta Manny Pacquiaok larunbatean Las Vegasen jokatutako borroka eskainiko dute.
Hirugarren norgehiagoka, Merino I-Jaka, boxeoa amaitutakoan eskainiko da.
kainiko da.