telebista
Gaur
Bartzelona-Dominion Bilbao Basket, gaur gauean, ETB1en
A.A.
EiTB
Endesa Ligaren 32. jardunaldiko norgehiagoka 21:00etan izango da ikusgai.
Futbol eta saskibaloi partida bana eskainiko dituzte ETB1ek eta eitb.eus-ek gaur, zuzenean.
15:45ean hasiko den 'Zilarrezko Futbola' saioaren barruan, Bigarren B Mailako Athletic B-Trival Valderas partidaren emankizuna osatuko dute Xabier Anduezak, Juanan Larrañagak eta Iban Bengoetxeak, zuzenean, Lezamatik bertatik.
21:00etan, Endesa Ligaren 32. jardunaldiko Bartzelona-Dominion Bilbao Basket norgehiagoka izango da ikusgai, Asier Arangurenen eta Josean Aldalurren kontakizunarekin.
Bestalde, Jon Elortzak futbol jardunaldiaren errepasoa egingo du 'Gol Festa' saioan, 23:50ean hasita. Luze eta zabal aztertuko ditu Realak Bartzelonan eta Athleticek etxean, Deportivoren aurka, jokatuko duten partidak.
