telebista
22:30ean
'El Mundo según LND' saioak 'Red de mentiras' filma eskainiko du
EITB
Gaur gauean, 22:30ean hasita, Leonardo DiCaprio eta Russel Crowe aktoreak protagonista dituen intrigaz beteriko filma emango dute, Ridley Scott zinemagile ospetsuak gidatuta.
Gaur gauean, 'El Mundo según LND' saioak Red de mentiras filma eskainiko du, Russel Crowe eta Leonardo DiCaprio aktoreak protagonista dituen intriga eta suspensez beteriko lan bikaina. Eskarmentu handiko Ridley Scott zinemagileak zuzendutako pelikula da, eta CIA Ameriketako Estatu Batuetako Inteligentzia Agentzia Zentraleko agenteen lan zikinak aireratzen ditu.
CIA sortzeko lehen proposamenak egin zirenetik 70 urte pasatu direnean, urteurrenaren aitzakian, agentziaren historia ilunean murgilduko da saioa, hainbat sekretu agerian jartzeko.
Amaitzeko, Russell Crowe aktorearen ibilbide pertsonal eta profesionala errepasatuko du 'El Mundo según LND' saioak, eta aktorearen haserreak, erasoak eta maitasun istorioak azalduko ditu. Gainera, bost urtez talde terrorista ospetsu baten mehatxupean bizi izan zela jakingo dugu.
'El Mundo según LND', 22:30etik aurrera, ETB2n.
