telebista
22:30ean, ETB2n
'El Mundo según LND'k 'Hindenburg' filma eskainiko du gaur gauean
EiTB
Felix Linaresek 'Hindenburg' zepelinaren eztandaren datu guztiak emango ditu, eta zinema-kamera batekin grabatutako beste hainbat hondamendi aipatuko ditu.
Duela 80 urte, historiako aireontzirik handiena eraiki zen, Hindenburg zepelin ezaguna, eta airean lehertu zen bi urte geroago. Aireontzi ezagun horren istorio dramatiko eta ikusgarriaren berri emango du ostegun honetan 'El Mundo según LND' saioak eskainiko duen Hindenburg filmak. Baina, zer gertatu zen benetan zepelinarekin? Istripu baten ondorioz edo atentatu baten ondorioz egin zuen eztanda?
Hainbat teoria daude eztanda eragin zuten arrazoien inguruan, baina denen artean interesgarriena osteguneko pelikulak ematen duena da: atentatua. Dena den, Felix Linaresek benetan gertatu zenaren gaineko datu guztiak emango ditu filma eskaini aurretik.
Horrez gain, zinema-kamera batekin grabatutako beste hainbat hondamendi handiren berri emango du 'El Mundo según LND' saioak Desastres reales atalean.
Amaitzeko, Hindenburg filmeko protagonistaren bizitza pertsonal eta profesionalean murgilduko da saioa, El Mundo según George Scott atalean.
'El Mundo según LND' gaur izango da ikusgai, 22:30etik aurrera, ETB2n.
strong>