telebista
Zinema
'La verdad sobre Charlie' pelikula, gaur gauean, ETB2n
EITB.EUS
EITB
Mark Wahlberg eta Thandie Newton dira pelikula honetako protagonistak. Stanley Donan zuzendariaren Charada klasikoaren remake bat da, maitasun istorioa eta suspensea uztartzen dituen lana.
La verdad sobre Charlie pelikula izango da ikusgai gaur gauean ETB2n, Jonathan Demme zuzendari dela eta aktore lanetan, berriz, Mark Wahlberg, Thandie Newton eta Tim Robbins, besteak beste.
Stanley Donen (1963) zuzendariaren Charada pelikulan oinarritutako lan berria da thriller hau; bere garaian ere sekulako arrakasta izan zuen eta intrigako zineman klasikoetako bat da.
Regina Lambert Reggie (Thandie Newton) emakumearen nondik norakoak kontatuko dizkigu pelkulak, izan ere, Martinicara joango da Regina oporretan, Charlie (Stephen Dillane) senarrarekin duen bizimodu garratzetik alde egiteko asmoz. Joshua Peters (Mark Wahlberg) izeneko gizon atsegina ezagutuko du han. Regina Paristik bueltan dela, haren senarra hil egin dutela jakingo du eta senar-emazteak bizi ziren etxebizitza hutsik aurkituko du, haien kontu korrontea legez. Hortik aurrera, galdutako dirua berreskuratu beharko du Reginak, eta Charlieren ingurukoak argitu; baina, ez da bakarrik egongo, izan ere, Charlie zenaren hiru lagunen eta Joshua beraren laguntza izango du, hura ere Parisen baita. Bada, Reggie bera izango da susmagarri nagusia; eta hori gutxi balitz, Enbaxadako funtzionario kontserbadoreak (Tim Robbins) ere ez dio bakerik emango.
Ez galdu La verdad sobre Charlie pelikula, gaur gauean, 22:15etik aurrera, ETB2n.
