telebista
22:30ean
'Wyatt Earp' filma eskainiko du, gaur, 'El Mundo Según LND'k
EITB
Programak pelikularen filmazioaren datu guztiak emango ditu, eta horrez gain, zinera eraman diren beste pertsonaia historikoen bizitza errepasatuko du.
'El Mundo según LND' saioak Wyatt Earp filma eskainiko du gaur, Wyatt Berry Stal Earp Mendebate Basatiko sheriff ezagunenaren inguruan egin den pelikularik garrantzitsuena, hain zuzen ere. Kevin Costner aktorea da protagonista, eta berarekin batera, Dennis Quaid aktoreak Doc Hollyday pistolari ezagunaren papera egingo du. Wyatt Earpen bizitzaren datu guztiak emango ditu saioak pelikularen emanaldiaren aurretik, eta sheriff ospetsuaren bizitza zinera eraman duten beste hainbat film aipatuko ditu.
Horien artean, James Stewart aktore ospetsua ikusi izan dugu paperean, oso interpretazio berezia eginez, eta aktorearen heriotzaren urteurrena aste honetan betetzen denez, 'El Mundo según LND' saioak omenaldi berezia egingo dio, bere ibilbide profesionalaren momenturik esanguratsuenak gogoratuz.
Amaitzeko, zinera eraman diren beste hainbat pertsonaia historikoren bizitzan murgilduko da saioa, egiazko bizitzan pelikuletan bezain bikainak izan ez zirela azaltzeko.
'El Mundo según LND' gaur gauean izango da ikusgai, 22:30etik aurrera, ETB2n.
ong>n.