telebista
22:30ean, ETB2n
'La Mirada del amor' filmaren estreinaldia, gaur gauean, 'LND'n
EITB
Saioak gainera, Hollywoodeko ezkontzarik gorabeheratsuenak gogoratuko ditu, eta uda honetan pelikula estreinatu berri duten bi aktoreen ibilbidea errepasatuko du.
'LND' saioak La mirada del amor filma estreinatuko du, gaur gauean, telebistan. Erromantizismoz beteriko pelikula da eta Donostiako Zinemaldian estreinatu zenean kritikaren harrera oso ona jaso zuen. Emakume batek bere senar zenduaren antza handia duen gizona ezagutuko du eta berehala, erakarrita sentituko dira bata bestearekin. Ed Harris, Anette Bening eta Robin Williams aktoreak protagonista hartzen dituen istorioa da, eta Felix Linaresek filmazioaren eta aktore zerrendaren inguruko datu guztiak emango ditu emanaldiaren aurretik.
Bestalde, uda honetan pelikula berria estreinatu duten bi aktoreren ibilbidea azalduko du 'LND'k: Clara Lago eta Hugh Grant.
Hogeita hamar urte bete dira Hollywoodeko ezkontzarik gorabeheratsuena ospatu zenetik, eta horregatik, astearteko saioak zine izarren ezkontzarik sonatuenak gogoratuko ditu 'También son humanos' atalean.
Amaitzeko, 'Monte o Playa' atalak munduko mendirik eta hondartzarik ederrenak erakutsiko ditu.
'La Noche de... La mirada del amor' gaur emitituko da, 22:30etik aurrera, ETB2n.
ETB2n.