telebista
23:15ean
Gontzal Mendibilen emanaldia, gaur gauean, ETB1en
EITB
Donostiako Victoria Eugenia antzokian grabatutako kontzertua izango da ikusgai.
Bideoak (1)
Gontzal Mendibilek Donostiako Victoria Eugenia antzokian iragan abenduaren 26an eskainitako kontzertua emitituko du, ETB1ek, gaur gaueko 23:15ean. Abeslariak bere betiko kantak eta Nire bihotzak zure begiak ditu diskoko kantak eskainiko ditu.
Gontzal Mendibilek Marife Nogales abeslaria izango du lagun oholtza gainean, Jose Luis Canal, Ange Unzu, Joe Gonzalez, Rober Caballero, Philippe de Ezcurra eta Blas Fernandez musikariekin batera. Horrez gain, Easo Txiki eta Araoz Txiki abesbatzak, eta Aukeran dantza taldea izango ditu gonbidatu berezi modura.
Gontzal Mendibilen ibilbide luzeko hamabosgarren diskoa da Nire bihotzak zure begiak ditu, berak sortutako 11 kantu berri biltzen dituena. Bizi eta sentitu nahia, herri izan nahia, sentipen sakonez eta mezu zuzenez burututako lana dugu, bere esanetan.
