Aste Nagusiko pilota jaialdia, zuzenean, ETB1en eta eitb.eus-en

Gaur arratsaldean, Euskal Telebistako kamerek Bilboko Bizkaia pilotalekuarekin bat egingo dute, zuzenean, 18:00etatik aurrera. Jardunaldiko lehenengo partida Ezkurdia eta Artola pilotarien arteko buruz burukoa izango da, eta Bengoetxea VI.a-Beroiz eta Altuna III.a-Rezusta bikoteek jokatuko dute, ondoren, partida nagusia. Amaitzeko, Olaetxea eta Irribarria pilotarien arteko lau t'erdiko norgehiagoka eskainiko dute ETB1ek eta eitb.eus-ek.

Xabier Euzkitzek, Joxan Tolosak eta Elena Azpeitiak egingo dute zuzeneko emanaldiaren kontakizuna, gaur, ostirala, 18:00etatik aurrera, ETB1en eta eitb.eus-en.