telebista
09:00etan, ETB1en
PPko Laura Garrido, gaur goizean, 'Egun On Euskadi' saioan
EiTB
Euskadiko PPko bozeramailea bere alderdiak azkeneko egunetan izan dituen aldaketen inguruan arituko da.
Gaur goizean, Estepan Aldamiz-Etxebarriak Laura Garrido Euskadiko PPren bozeramailea elkarrizketatuko du ETB1eko 'Egun On Euskadi' albistegian, eta alderdiak azkeneko egunetan izan dituen aldaketak aztertuko ditu.
Horrez gain, Tasio Erkiziak, Iñaki Zarraoak, Antton Karrerak eta Iosu Alvarezek egun-eguneko gaien inguruko solasaldian hartuko dute parte, eta Xabier Usabiaga kazetariak eguneko albisteen kontakizuna egiten lagunduko dio.
'Egun On Euskadi' albistegia 09:00etatik aurrera izango da ikusgai, ETB1en.
