telebista
Zuzenean
Futbola, atletismoa eta pilota, gaur, ETB1en eta eitb.eus-en
A.A. | EiTB
Emakumeen Ligako Athletic-At. Madril, Amorebietako Krosa eta Binakako Txapelketako Altuna III-Merino II / Irribarria-Merino I partida izango dira ikusgai.
Zuzeneko hiru kirol emanaldi eskainiko dituzte, gaur, ETB1ek eta eitb.eus-ek: futbola, atletismoa eta pilota.
'Oreka' saioaren barruan, 11:30ean hasita, Lezaman jokatuko den Emakumeen Ligako Athletic-At. Madril partida eta Amorebietako Krosa eskainiko dira.
Logroñoko Adarraga pilotalekuko jaialdia izango da ikusgai, 17:00etatik aurrera. Bi partida jokatuko dira: Gorka-Irusta / Mendizabal III-Tolosa eta Altuna III-Merino II / Irribarria-Merino I, Binakako Txapelketakoa bigarrena.
Horrez gain, Urriza-Utergaren arteko Erremonteko Masters Torneoko finala eskainiko da, eguerdiko 12:00etan, ETB4n; eta Aizkolarien Binakako Eusko Label sariko Atutxa II-Mugertza II / Arria V-Larrañaga norgehiagoka, 16:00etan, ETB1en.
