telebista
22:30ean
Akzioz beteriko 'Venganza' filma, Liam Neesonekin, gaur gauean, 'LND'n
A.H. | EITB
Arnold Schwarzeneggerren lagun taldeaz, euskaldun bat protagonista duen telesail estatubatuarraz eta Bill Cosbyren semearen hilketaz arituko da aurretik Felix Linares.
Gaur gauean, 'La Noche de...' saioak Vengaza akzioz beteriko filma eskainiko du. Liam Neeson protagonistak mendekua hartuko du talde batek bere alaba bahitu ondoren. Pertsonen trafiko ilegala, emakume gazteena, bereziki, egun-eguneko gaia da, eta pelikulak akzio dosi handiekin lantzen du gaia. Felix Linaresek protagonistaren eta pelikularen datu guztiak azalduko ditu emanaldiaren aurretik.
Bestalde, Arnold Schwarzenaggerren azkeneko pelikularen estreinaldia hizpide hartuta, aktorearen lagun taldea ezagutuko du 'La Noche de...'k. Talde basatia osatzen dute, eta La cuadrilla de Arnold Schwarzenegger atalean ezagutuko ditugu.
Horrez gain, Ameriketako Estatu Batuetan euskaldun bat protagonista duen telesail bat aurkeztuko du saioak, Los vascos conquistan Hollywood atalean.
Amaitzeko, Bill Cosbyren kontrako sexu-abusuen salaketen eta duela 19 urteko bere semearen hilketaren arteko harremana azalduko du CSI: Hollywood atalak.
'La Noche de... Venganza' gaur izango da ikusgai, 22:30etik aurrera, ETB2n.
