Cesarren berragertzea, gaur, 'El Conquistador del Amazonas' saioan

Anakondek eta Patxi Salinas kapitainak ez dute ondo hartuko Cesarrek abenturan jarraitzen duela ikustea eta pirañen parte dela jakitea. Salinasek hitz garratzak eskainiko dizkio venezuelarrari, eta taldeari 'traizioa' egin izana egotziko dio. Oraingoz, baina, Peio Ruiz Cabestanyren taldearentzat ezinbesteko errefortzu bilakatu da Cesar, eta inmunitate jokoan asko lagun lezake; mosketoien laguntzarekin sokak igo beharko dituzte asteon.

Bi talde egingo dituzte partaideek: batzuek sare batetik igo beharko dute, janariz betetako bost zaku eskuratzeko, eta besteak jan eta jan arituko dira, jokoa bideratze aldera. Partaideak ondo aukeratuz gero, gero eta gertuago izango dute kapitanek garaipena.

Aste honetan, kanpamentu oso txiroko bizilagunek oihanean soinu mehatxagarriak entzungo dituzte berriro ere. Lehiakideek piztia bat dela uste duten arren, basoko espirituak direla adieraziko dute bertako aborigenek.

'El Conquistador del Amazonas' astelehenero dago ikusgai, 22:30etik aurrera, ETB2n eta eitb.eus-en.