Cesarrek saioa utzi izana eta Peioren geroa hizpide, 'El Conquis'en

Cesar venezuelarra izango da protagonista gaur gauean eztabaida saioan. Amazonian saioa utzi izanak erreakzio andana ekarri du, eta lehiakide polemikoenak saioa zergatik utzi duen ulertzeko azalpenak jasotzea espero dute 'El Conquistador del Amazonas' saioko jarraitzaileek. Anakondekin izandako liskarra, taldez aldatu izana eta Txapelaren aurka jokatu beharreko dueluari uko egitea azaldu beharko ditu denboraldi honetako debate sutsuenetakoan, asteazkenean, Patxi Alonsok gidatuta.

Bestalde, Cesar urakanaz gain, datorren asteko saio aurrerapenak ere ikusiko ditugu. Patxi Salinas lehiakide izango da aurrerantzean, eta Peio zer egin pentsatzen ari da. Zer erabakiko du azkenean pirañen taldeko kapitainak? Taldeen bateratzearen ingurukoak eta etapa berriko lehen jokoaren nondik norakoak ere ezagutuko ditugu 'El Conquis' saioan.

Gaur, gainera, hauek izango ditugu platoan euren iritzia emateko: Gotzon, Olatz, Isa, David, Nuri, Artzai eta Julen Madina. Halaber, Isaac Landabasoren eskutik, tuit onenak, antzekotasunak eta lehiakide gogokoena izateko lehiatik at gelditu diren bi lehiakideak zeintzuk diren jakingo dugu.

'El Conquis' asteazkenetan izaten da ikusgai, 22:30etik aurrera, ETB2n eta eitb.eus-en.