Kataluniako Voltako 6. etapa eta pilota Iruñetik, arratsaldean

Gaur arratsaldez, txirrindularitza izango da ikusgai ETB1en eta eitb.eus-en. 15:30etik aurrera, Kataluniako Voltaren 6. etaparen kontakizuna egingo dute Fermin Aramendik eta Xabier Usabiagak. Sant Joan Despin hasi eta Vilanova i la Geltrun amaituko dute azken aurreko etapa.

17:45ean pilotak hartuko du lekukoa. Josetxo Lizartzak, Jokin Errastik eta Elena Azpeitiak Iruñeko Labrit pilotalekuko jaialdiaren berri emango dute zuzenean ETB1en eta eitb.eus-en. Atariko partida Arretxe II-Merino I/Arteaga II-Zabaleta  izango da. Neurketa nagusia, berriz, Olaizola II-Urrutikoetxea eta Victor-Albisuren arteko Binakako Txapelketako finalerdia.