Patxi Salinas, bere onetik aterata, gaur gauean, 'El Conquis'en

Pirañek inmunitate-jokoa irabazi beharko dute galbidera joan nahi ez badute. Bestalde, anakondek elkarrekin lehiatzen jarraitzeko ideia dute oraindik ere, urdin guztiak eliminatu arte, euretako batek irabaz dezan 'El Conquistador del Amazonas' saioa. Hala ere, Patxi Salinasen taldeak oztopo bat topatuko du: Igor. Arabarrak gogoko ditu jasotzen dituen nominazioak, eta ez du atsedenik hartuko lehiakide indartsuenak kanporatu arte.

Gaurko inmunitate-jokoa erresistentziazko eta kontzentraziozko proba izango da. Enbor batera igota, soka bat heldu beharko dute konkistatzaileek, eta ezin izango dute lurzorua oinekin ikutu. Jokoaren aurretik, bere onetik aterata ikusiko dugu Patxi Salinas; saioaren erreportari batekin eta antolakuntzarekin haserretuko da anakonden kapitain ohia. Isilik jarraitzeko ideia Iñigok baino ez du jarraituko, eta, horrek, era guztietako erreakzioak eragingo ditu kanpamenduan.

'El Conquistador del Amazonas' astelehenero dago ikusgai, 22:30etik aurrera, ETB2n eta eitb.eus-en.