telebista
Kirolak zuzenean
Giroa eta Promozioko finala, gaur zuzenean
A.A. | EiTB
Italiako Giroko 14. etapa 13:00etatik aurrera eskainiko da. Gorka eta Mendizabal III.aren arteko norgehiagoka 17:30ean.
Txirrindularitzak eta pilotak osatuko dute larunbateko kirol eskaintza ETBn eta eitb.eus-en, futbolarekin batera.
Italiako Giroa Dolomitetara iritsiko da gaur. Etapa ikusgarria jokatuko da Alpago eta Corvara artean. Sei mendate igaro beharko dituzte: Pordoi, Sella, Gardena, Campolongo, Giau eta Valparola. 13:00etatik aurrera izango da ikusgai ETB1en eta eitb.eus-en Fermin Aramendiren eta Xabier Usabiagaren kontakizunarekin.
Txirrindularitza amaitutakoan, 17:30ean, 'ETB Kantxa' saioa hasiko da Iruñeko Labrit pilotalekutik. Bertan jokatu da Buruz Buruko Promozio Txapelketako finala Gorka eta Aitor Mendizabalen artean. Partida nagusiaren aurretik eta ondoren binakako bi neurketa izango dira ikusgai: Tainta-Iturriaga / Dario-Martija eta Ezkurdia-Barriola / Artola-Beroiz. Josetxo Lizartza, Jokin Errasti eta Xabi Andueza izango dira esatariak.
18:30ean futbolari egingo diote tartea ETB4n eta eitb.eus-en. Bigarren B Mailako igoera faseko lehen kanporaketa izango da ikusgai, Lleida eta Barakaldoren arteko joaneko partida. Naxari Altuna eta Juanan Larrañaga zuzenean arituko dira bertatik.
Azkenik, 12:00etan, Bizkaiko Lau eta Erdiko Txapelketako finalen berri emango du Iñigo Aiestaranek ETB4n, Xabier Santamariak lagunduta. Emanaldi hau ere eitb.eus-en jarraitu ahal izango da.
