Donostia Hiria torneoaren finala, zuzenean, gaur, ETB1en eta eitb.eus-en

Gaur gauean, Olaizola II-Beroiz eta Altuna-Zabaleta bikoteek jokatuko dute Donostia Hiria pilota Torneoaren finala. ETB1ek eta eitb.eus-ek, 22:00etik aurrera bat egingo dute zuzenean Atano III pilotalekuarekin eta txapelketa partidaren aurretik, Dario-Merino eta Laso-Imaz bikoteen arteko atariko pilota partida eskainiko dute. Amaitzeko, Mendizabal-Cecilio eta Arteaga-Zabala bikoteek jokatuko dute jardunaldiko hirugarren norgehiagoka. Xabier Euzkitzek, Josean Tolosak eta Elena Azpeitiak egingo dute emanaldiaren kontakizuna zuzenean.

Arratsaldean, Donostiako Banderaren sailkatze saioak eskainiko dituzte zuzenean, 16:30etik aurrera. Mikel Olazabal, Ibon Gaztañazpi eta Xabier Andueza kazetariek emango dute emakumezkoen eta gizonezkoen estropaden berri ETB1en eta eitb.eus-en.