telebista
Kirolak zuzenean
Binakako Txapelketako partida Bilbotik, gaur, EiTBn
A.A. | EiTB
Olaizola II-Untoria / Urrutikoetxea-Imaz partida 17:00etatik aurrera izango da ikusgai ETB1en eta eitb.eus-en.
Binakako Txapelketako Olaizola II-Untoria / Urrutikoetxea-Imaz partida izango dugu gaurko kirol hitzordu nagusia ETB1en eta eitb.eus-en. 17:00etan hasiko da Bilboko Bizkaia pilotalekuko jaialdiaren zuzeneko emanaldia, eta ohi denez, Xabier Euzkitzek, Joxan Tolosak eta Elena Azpeitiak egingo dute kontakizuna. Estelarraren aurretik Arretxe II-L. Galartza / Victor-Salaverri neurketa jokatuko da.
Goizean, 12:00etan, 'Oreka' saioaren barruan, Venta de Bañoseko Nazioarteko Krosa eskainiko da zuzenean. Juanan Legorburu eta Xabier Leibar izango dira esatariak.
Herri kiroletako hiru emanaldik osatuko dute igandeko kirol eskaintza ETB1en eta eitb.eus-en: 11:00etan Ugartemendia eta Guzta harrijasotzaileen arteko desafioa; 12:00etan, goma gaineko Euskadiko Sokatira Txapelketa; eta 16:00etan, aizkolarien Banakako Kopako finalerdia.
/p>
