telebista
Zinema ETB2n
'Ira de titanes' filma, gaur, ETB2n
A.A. | EITB
Sam Worthington, Liam Neeson eta Ralph Fiennes ditu protagonista 2012an Jonathan Liebesmanek zuzendu zuen istorio honek.
Gaur gauean, Ira de titanes akzioz beteriko pelikula ikusi ahal izango da ETB2n. Furia de titanes filmaren bigarren partea da, eta Sam Worthington du protagonista. Liam Neeson, Ralph Fiennes eta Rosamund Pike aktoreak ikusiko ditugu harekin batera.
Furia de titanes filmean gertaturikoetatik 10 urte pasatu dira. Perseok (Sam Worthington) lasai bizi nahi du Helio semearekin batera. Baina jainkoak ahul daude, gizakiek eurengan zuten fedea galdu dutelako, eta titanen gaineko kontrola galdu dute. Horrela bada, Hadesek (Ralph Fiennes) eta Aresek (Edgar Ramírez) akordioa egingo dute Kronosekin (titanen buruarekin) eta Zeus (Liam Neeson) bahituko dute. Beraz, Perseok bere lasaitasuna utzi eta Zeus salbatzera joan beharko du. Hiru laguntzaile izango ditu: Andromeda (Rosamund Pike), Agenor (Toby Kebbell) eta Hefesto (Bill Nighy).
