Britaniarren arteko norgehiagoka ikusgarriak, 'Boxeo Izarrak' saioan

Gaur gauean, britaniarren arteko bi norgehiagoka ikusgarri eskainiko ditu urteko azken 'Boxeo Izarrak'. Hasteko, Anthony Ogogo eta Craig Cunningham-en arteko norgehiagoka izango da ikusgai, pisu ertainetako Nazioarteko txapelketa. Anthony Ogogok brontzezko domina eskuratu zuen Londreseko Joko Olinpikoetan eta profesional mailan egindako 11 borrokaldiak irabazi ditu. Cunnunghamek, ostera, 16 neurketa irabazi ditu eta bakarra galdu du.

Borrokaldi honen ondoren, oilar pisuko Munduko Txapelketa bat ikusi ahal izango dute boxeozaleek: Lee Hanskins eta Stuart Hallen artekoa, hain zuzen ere. Biak dira munduko tituloaren jabe izandakoak.

'Boxeo Izarrak' gaur emitituko da, 00:35etik aurrera, ETB1en.