telebista
Kirol emanaldiak
Real Sociedad B-Real Madrid Castilla, arratsaldean, ETBen
A.H. | EITB
Gainera, Iruñako pilota jaialdia eta Kutxabank ligako pala finala eskainiko da, zuzenean.
Real Sociedad B eta Real Madrid Castilla taldeen arteko futbol partida eskainiko dute gaur ETB1ek eta eitb.eus-ek, zuzenean. Zubietan jokatuko dute norgehiagoka, arratsaldeko 16:00etan; eta Naxari AltunaK, Juanan LarrañagaK eta Xabier Ormazabalek egingo dute emanaldiaren kontakizuna.
Ondoren, Iruñako pilota jaialdia izango da zuzenean ikusgai. Bengoetxea VI-Larunbe eta Altuna III-Barriola bikoteek jokatuko dute txapelketa partida eta aurretik, Arteaga II-Beroiz eta Laso-Ibai Zabala bikoteak ariko dira aurrez aurre jardunaldiko atariko partidan. Joxetxo Lizartza, Jokin Errasti eta Xabier Anduezak emango dute emanaldiaren berri zuzenean ETB1en eta eitb.eus-en.
Horrez gain, ETB4 kateak Bilbon jokatutako Kutxabank ligako pala finala eskainiko du, arratsaldeko 17:00etatik aurrera. Gaubeka-Ibai Perez eta Necol-Ibargari bikoteak arituko dira nor baino nor.
