Angela izango dute gonbidatu gaur 'El Conquis' eztabaida saioan

Angela, 'El Conquistador del Caribe' saioko lehiakide saltseroena, izango da gaur gaueko protagonista nagusia Patxi Alonsok gidatzen duen "El Conquis" eztabaida saioan.

Talde urdina utzi behar izan duen azken lehiakideak La Kaxerren aurka galdu zuen duelua nola bizi izan zuen kontatuko du. Horrez gainera, Idoiari eta Olgari buruz ere galdetuko diote, horiekin elkarbizitza zaila baitute urdinen taldean. Horren harira, Marcelok eta Idoiak hurrengo atalean izango duten liskar gogor baten aurrerapena ere eskainiko du saioak. Abenturaren norabidea erabat aldatuko du eztabaida gogor horrek.

Vilarinek albiste txarra eramango du kanpamentu pobrera, Angela kanporatu dutela jakinaraziko baitie, eta talde urdinekoek albistea nola hartzen duten ikusiko da. Halaber, La Kaxer eta David oso pozik jarriko dira berriz elkar ikustean. Batzuen pozaz eta besteen penaz ere arituko dira saioan.

Bideo extra gehiago ere emango ditu "El Conquis" saioak; hala nola, hurrengo jokoaren aurrerapenak, Gotzon Mantulizen bideoak... Eta "beste Gorrotxa"ren bisita ere izango dute.

Hau guztia girotzeko, astero bezala, Gaztea Irratiko 'Gaztea Box' saioko bikotea platoan izango dugu. Joseina Etxeberria musika jartzen arituko zaigu eta Ainhoa Etxeberriak sare sozialetan gertatzen den guztiaren berri emango du. Gainera, ez dira faltako asteroko "conquistologoak"; asteazkenean, Isa Landa, Raul Arribas, Eneko Van Horenbeke, Nerea 'Txirrita' eta Leku, iazko finalista, arituko dira Kariben gertatzen ari den guztiari buruzko iritzia ematen.

"El Conquis del Caribe" saioa asteazkenero ematen da, 22:30 aldera, eitb.eus-en eta ETB2n.