Artera hubilduko da, asteburu honetan 'Teknopolis' saioa

Artera hurbilduko da 'Teknopolis' saioa asteburu honetan. Artearen xedea irudimenari eta emozioei eragitea omen da. Eta baliteke saio hau artetik hain urrun ez izatea. Izan ere, artearen ikuspegi berritzaileak eta originalak izango ditugu aste honetako' Teknopolis'en. Laserrez egindako eskulturak, txalaparta jotzen duten ordenagailu-programak eta robotak protagonista dituen opera bat ezagutuko ditugu.

Afizio xelebre bat ere bai: hegazkinei argazkiak ateratzea, eta amaitzeko zinemako efektu bisualak nola egiten diren ikusiko dugu.

'Teknopolis' saioa gaur 13:30ean dago ikusgai, ETB1en; eta igandean, 10:00etan, ETB2n.