telebista
Hasi dira castingak
'El Conquistador del Fin del Mundo'ren castinga, gaur, Donostian
I. A. | EITB.EUS
"El Conquistador del Fin del Mundo" saioaren 14. ediziorako castinga Donostiara iritsi da. Bideo-castinga egiteko aukera ere bada: "El Conquis" saioak eitb.eus-en duen webgunetik igo daitezke bideoak.
"El Conquistador del Fin del Mundo"ren 14. edizioa prestatzen ari gara dagoeneko, eta garrantzitsuena falta da: lehiakideak. Urtero bezala, casting presentzial bidez eta bideo-casting bidez parte hartzeko aukera izango dute lehiakidegaiek. Aurrez aurreko castingak martxan daude, eta uztailaren 12ra arte egingo dira, 10:00etatik 20:00etara. Atzo izan zen lehen txanda, Iruñean.
Gaur, uztailak 10, astelehena, Donostian egingo dute, Silken Amara Plaza hotelean (Pio XII.aren plaza, 7), 10:00etatik 20:00etara.
Uztailaren 11n eta 12an, astearte eta asteazkenean, berriz, Bilbon izango da, EiTBren egoitzan (Basurtuko Kaputxinoen bidea, 2) , 10:00etatik 20:00etara.
Bideo-castinga
Gainera, aurreko urteetan bezala, saioko lehiakide izan nahi duten lagunek online ere egin dezakete castinga, "El Conquistador del Fin del Mundo" saioaren webgunean sartu eta bideoa bidalita. Abuztuaren 31ra arte egongo da bideo-castinga bidaltzeko aukera.
Saioa eta Alex lehiakideek bideoa bidalita lortu zuten "El Conquistador del Caribe" saioan sartzea.
Hona hemen Alexek egin zuen bideo-castingaren zati bat.
Hau da Saioak bidali zuen bideoa.
Zorte on guztioi!
