telebista
Audientzia
'La Noche de… Una semana en Córcega' astearte gauean audientzia-buru
EITB
Felix Linaresek aurkeztutako saioak %10,8ko audientzia zatia izan zuen, eta ondoren eskainitako pelikula bere ordu tartean nagusi izan zen %13,5eko kuotarekin.
Felix Linaresek aurkeztutako 'La Noche de…' saioa eta ondorengo Una Semana en Córcega komedia frantsesa astearte gauean audientzia buru izan ziren.
'LND' saioa bere ordu tartean nagusi izan zen %10,8ko audientzia zatiarekin, eta 144.000 ikus-entzuleko audientzia metatua bereganatu zuen Euskadin eta eragin eremuan. Hollywoodeko aktoreei buruzko erreportajeak eta Elvis Presleyren heriotzaren datu guztiak azaldu zituen Linaresek, eta ondoren emitituko zen pelikularen aurkezpena egin zuen.
Una semana en Córcega komedia frantsesaren emanaldiak %13,5eko audientzia zatia lortu zuen, bere ordu tartean audientzia buru bihurtuz. Vincent Cassel, François Cluzet, Alice Isaaz eta Lola Le Lann aktoreak protagonista dituen filmak, 218.000 ikus-entzuleko audientzia metatua lortu zuen Euskadin eta eragin eremuan.
