telebista
Kirolak zuzenean
Athletic-Granadilla Tenerife Egatesa eta pilota Tolosatik, gaur, EiTBn
A.A. | EiTB
Lau T'erdiko Txapelketako Ezkurdia-Altuna III eta Agirre-Ugalde partidak eskainiko dira.
Gaur, 'Oreka' saioaren barruan, Emakumeen Iberdrola Ligako Athletic-Granadilla Tenerife Egatesa partida eskainiko dute ETB1ek eta eitb.eus-ek 12:00etatik aurrera. Naxari Altunak eta Larraitz Lukasek egingo dute kontakizuna.
16:00etan, ohi denez, herri kirolen tartea zabalduko dute, bezperan Zarautzen Izeta II.a harri-jasotzaileari egindako omenaldia eskaintzeko. Juanan Legorburuk emango dizkigu xehetasunak Juan Jose Unanue Goenatxo lagun duela.
17:00etan, 'ETB Kantxa' saioa hasiko da Tolosako Beotibar pilotalekutik. Jaialdia Mendizabal III-Irusta / Dario-Erostarbe partidarekin hasiko da; ondoren, Ezkurdia eta Altuna III.a izango dira aurrez aurre Lau T'erdiko Txapelketaren barruan; eta hirugarren norgehiagoka promozio txapelketakoa izango da, Agirre eta Ugalde artekoa. Xabier Euzkitze, Joxan Tolosa eta Elena Azpeitia izango dira esatariak.
