telebista
Kirolak zuzenean
Petronor Bandera eta Olaizola II-Bengoetxea VI partida, gaur, zuzenean, EiTBn
EiTB
Euskotren eta Eusko Label ligetako estropada, 11:45ean, eta Sopelako pilota jaialdia, 17:00etan.
-
Estropadak, arrauna
Zuzeneko bi kirol emanaldi izango ditugu, gaur, ETB1en eta eitb.eus-en.
Hasteko, arrauna. Petronor Bandera jokatuko dute Zierbenan Euskotren eta Eusko Label ligetako traineruek. 11:45ean hasiko da emanaldia, Mikel Olazabalen, Ibon Gaztañazpiren eta Sara Gandararen kontakizunarekin.
17:00etan, pilota izango dugu Sopelatik. Artola-I. Zabala bikotea Bakaikoa-Aretxabaletaren aurka arituko da lehendabizi, eta 4 eta erdiko San Fermin Torneoko Olaizola II-Bengoetxea VI, ondoren. Xabier Euzkitze, Joxan Tolosa eta Elena Azpeitia izango dira esatariak.
Igande honetako eskaintza osatzeko, bi herri kirol emanaldi ETB1en eta eitb.eus-en: 11:00etan, Euskadiko Sokatira Txapelketako finala, 600 kiloko kategorian; eta 16:00etan, Euskadiko Txapelketa, emakumezkoen aizkora eta harri-jasotze modalitateetan. Bukatzeko, 11:30ean, afizionatu mailako Binakako Euskadiko Txapelketako finalak izango dira ikusgai ETB4n eta eitb.eus-en.
