telebista
Kirolak EiTBn
San Fermin Torneoko finala, Tourra eta arrauna, gaur, EiTBn
EiTB
Ezkurdia-Rezusta / Irribarria-Zabaleta partida gauean eskainiko dute, baina beste bi emanaldiak zuzenean izango dira ikusgai.
Larunbat arratsaldean Iruñeko Labrit pilotalekuan jokatuko den San Fermin Torneoko finala gauean izango dugu ikusgai ETB1en eta eitb.eus-en, 22:15ean. Josetxo Lizartzak, Jokin Errastik eta Xabier Anduezak egingo dute Ezkurdia-Rezusta / Irribarria-Zabaleta neurketaren kontakizuna.
Arratsaldean, zuzeneko bi emankizun izango ditugu: lehendabizi, Frantziako Tourreko 8. etapa, Dreux-Amiens Mètropole, eta, ondoren, Euskotren eta Eusko Label ligetako estropadak, Donostiarra Kaiarriba Amenabar Bandera jokoan.
Emanaldia ETB4n hasiko da 14:15ean, baina ETB1era pasatuko da 15:00etan, eta eitb.eus-en ere jarraitu ahal izango dugu.
