telebista
Kirol emanaldiak
Reala-Athletic, Euskal Herriko Kopako finala, ETB1en eta eitb.eus-en, zuzenean
EITB
Horrez gain, Berako pilota jaialdia izango da ikusgai 22:00etatik aurrera.
Informazio gehiago (1)
Gaur, Realak eta Athleticek jokatuko duten futboleko Euskal Herriko Kopako finala eskainiko dute ETB1ek eta eitb.eus-ek, zuzenean. Norgehiagoka 18:15ean jokatuko da, Irunen, Gal Stadium zelaian, eta Juanan Legorburu, Juanan Larrañaga eta Xabier Andueza esatariek egingo dute emanaldiaren kontakizuna.
Gauean, Berako pilota jaialdia eskainiko dute ETB1ek eta eitb.eus-ek, 22:00etatik aurrera. Hasteko, Mendizabal III-Martinez eta Elordi-Merino II bikoteek jokatuko dute atariko partida, eta Ezkurdia-Albisu eta Irribarria-Rezusta bikoteak ikusiko ditugu aurrez aurre gero. Josetxo Lizartzak eta Jokin Errastik egingo dute kontakizuna.
