telebista
Kirolak
Aste Nagusiko Torneoko finala eta Moañako Bandera, gaur
EiTB
Horrez gain, Bigarren B Mailako futbol emankizunei ekingo diete Bilbao Athletic-Tudelano partidarekin.
Informazio gehiago (3)
Arraunak, futbolak eta pilotak osatuko dute gaurko ETBren kirol eskaintza.
Bigarren B Mailako futbol emankizunak hasiko dira aste honetan. Izan ere, Bilbao Athletic-Tudelano partida izango dugu ikusgai 16:00etan, ETB1en eta eitb.eus-en.
18:00etan, estropadak izango ditugu Moañatik, Eusko Label Ligako 14. jardunaldiaren baitan.
Gauean, 21:00etatik aurrera, arratsaldean Bilbon jokatutako pilota jaialdia eskainiko dute. Hasteko, atariko partida izango dugu ikusgai, Dario-Erostarbe eta Peña II.a-Eskiroz bikoteen artekoa. 23:00etan, jaietako saio bereziaren ostean, berriz, Aste Nagusiko Torneoko finala eta azken partida (Agirre-Zabala / Elordi-Jaunarena) eskainiko dituzte.
Pala torneoa ere izaten da Aste Nagusian. Bezperan jokatutako finala larunbatean izango da ikusgai, 12:30ean, ETB4n eta eitb.eus-en.
